සැවැත් නුවරදී ……………
පින්වත් මහණෙනි, ඉපදෙමින් මැරෙමින් යන මේ ස්වභාවය (සංසාරය) අවසන් නොවන ගමනක්. ආරම්භක කෙළවරක් දැකගන්න බැරි දෙයක්. අවිද්‍යාවෙන් වැසුණු තණ්හාවෙන් බැඳුණු මේ සත්වයන් සුගති දුගතිවල සැරිසරමින් යන මේ ස්වභාවය ආරම්භක කෙළවරක් දැකගන්න බෑ.
පින්වත් මහණෙනි, ඒක මේ වගේ දෙයක්. දඬු කැබැල්ලක් තියෙනවා කියල හිතමු. ඒ දඬු කැබැල්ල අහසට වීසි කළොත් එක වතාවකට මුල පැත්ත වැටෙනවා. අනිත් වතාවේ මැද වැටෙනවා. අනිත් වතාවේ අග පැත්ත වැටෙනවා.
පින්වත් මහණෙනි, අන්න ඒ විදිහ ම යි. අවිද්‍යාවෙන් වැසුණ තණ්හාවෙන් බැඳුණු මේ සත්වයන් ඉපදෙමින් මැරෙමින් යන මේ ගමනේ දී එක වතාවක් මෙලොවින් පරලොව යනවා. තවත් වතාවක් පරලොවින් මෙලොව එනවා.
එයට හේතුව මොකක් ද? පින්වත් මහණෙනි, මේ ඉපදෙමින් මැරෙමින් පවතින ස්වභාවය අවසන් නොවන දෙයක් …. (පෙ) …. නිදහස් වෙන්න ම යි වටින්නේ.
සාදු! සාදු!! සාදු!!!
දණ්ඩ සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_3-1-9/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M