සැවැත් නුවරදී ……………
පින්වත් මහණෙනි, යම්කිසි ශ්‍රමණයෙක් හෝ වේවා, බ්‍රාහ්මණයෙක් හෝ වේවා, පඨවි ධාතුව ගැන අවබෝධයක් නැත්නම්, පඨවි ධාතුවේ හට ගැනීම ගැන අවබෝධයක් නැත්නම්, පඨවි ධාතුව නිරුද්ධ වීම ගැන අවබෝධයක් නැත්නම්, පඨවි ධාතුව නිරුද්ධ වීම පිණිස පවතින වැඩපිළිවෙල ගැන අවබෝධයක් නැත්නම් ශ්‍රමණ ජිවිතයේ අර්ථවත් බවක් හෝ බ්‍රාහ්මණ ජීවිතයේ අර්ථවත් බවක් හෝ මේ ජීවිතය තුළදීම තමා තුළ ඇතිවුණ විශිෂ්ට ඤාණයකින් අවබෝධ කරගෙන වාසය කරන්නේ නෑ. ඒ වගේම ඒ ආයුෂ්මත්වරු ආපෝ ධාතුව ගැන අවබෝධයක් නැත්නම් ….(පෙ)…. තේජෝ ධාතුව ගැන අවබෝධයක් නැත්නම් ….(පෙ)…. වායෝ ධාතුව ගැන අවබෝධයක් නැත්නම් ….(පෙ)…. විශිෂ්ට ඤාණයකින් අවබෝධ කරගෙන වාසය කරන්නේ නෑ.
පින්වත් මහණෙනි, යම්කිසි ශ්‍රමණයෙක් හෝ වේවා, බ්‍රාහ්මණයෙක් හෝ වේවා, පඨවි ධාතුව ගැන අවබෝධයක් තියෙනවා නම්, පඨවි ධාතුවේ හට ගැනීම ගැන අවබෝධයක් තියෙනවා නම්, පඨවි ධාතුව නිරුද්ධ වීම ගැන අවබෝධයක් තියෙනවා නම්, පඨවි ධාතුව නිරුද්ධ වීම පිණිස පවතින වැඩපිළිවෙල ගැන අවබෝධයක් තියෙනවා නම් පින්වත් මහණෙනි, ඒ ශ්‍රමණයන්වත් ඒ බ්‍රාහ්මණයන්වත් සැබෑම ශ්‍රමණයන් අතර ශ්‍රමණයන් බවට සම්මත වෙනවා. සැබෑම බ්‍රාහ්මණයන් අතර බ්‍රාහ්මණයින් බවට සම්මත වෙනවා. ඒ වගේම ඒ ආයුෂ්මත්වරු ශ්‍රමණ ජීවිතයේ අර්ථවත් බවක් හෝ බ්‍රාහ්මණ ජීවිතයේ අර්ථවත් බවක් හෝ මේ ජීවිතය තුළදීම තමා තුළ ඇතිවුණ විශිෂ්ට ඤාණයකින් අවබෝධ කරගෙන වාසය කරනවා. ආපෝ ධාතුව ගැන අවබෝධයක් තියෙනවා නම් ….(පෙ)…. තේජෝ ධාතුව ගැන අවබෝධයක් තියෙනවා නම් ….(පෙ)…. වායෝ ධාතුව ගැන අවබෝධයක් තියෙනවා නම් ….(පෙ)…. විශිෂ්ට ඤාණයකින් අවබෝධ කරගෙන වාසය කරනවා.
සාදු! සාදු!! සාදු!!!
තතිය සමණබ්‍රාහ්මණ සූත්‍රය නිමා විය.
හතර වෙනි චතුධාතු වර්ගය අවසන් විය.
ධාතු සංයුත්තය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_2-4-10/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M