සැවැත් නුවරදී ……………….
“පින්වත් මහණෙනි, මා ඔබට ධාතුවල වෙනස්කම් ගැන කියා දෙන්නම්. එය හොඳින් අහගන්න ඕන. ඉතා හොඳින් නුවණින් මෙනෙහි කරන්න ඕන. කියා දෙන්නම්.” “එසේය, ස්වාමීනී” කියලා ඒ භික්ෂූන් වහන්සේලා භාග්‍යවතුන් වහන්සේට පිළිතුරු දුන්නා. ඒ මොහොතේදී තමයි භාග්‍යවතුන් වහන්සේ මේ දේශනාව වදාළේ.
පින්වත් මහණෙනි, ධාතුවල වෙනස්කම් කියන්නේ මොකක්ද? ඇස ධාතු ස්වභාවයක්. රූප ධාතු ස්වභාවයක්. ඇසේ හටගන්නා විඤ්ඤාණය ධාතු ස්වභාවයක්. කණ ධාතු ස්වභාවයක්. ශබ්ද ධාතු ස්වභාවයක්. කණේ හටගන්නා විඤ්ඤාණය ධාතු ස්වභාවයක්. නාසය ධාතු ස්වභාවයක්. ගඳසුවඳ ධාතු ස්වභාවයක්. නාසයේ හටගන්නා විඤ්ඤාණය ධාතු ස්වභාවයක්. දිව ධාතු ස්වභාවයක්. රසය ධාතු ස්වභාවයක්. දිවේ හටගන්නා විඤ්ඤාණය ධාතු ස්වභාවයක්. කය ධාතු ස්වභාවයක්. පහස ධාතු ස්වභාවයක්. කයේ හටගන්නා විඤ්ඤාණය ධාතු ස්වභාවයක්. මනස ධාතු ස්වභාවයක්. මනසට සිතෙන අරමුණු ධාතු ස්වභාවයක්. මනසේ හටගන්නා විඤ්ඤාණය ධාතු ස්වභාවයක්. පින්වත් මහණෙනි, ඔන්න ඕකටයි ධාතුවල වෙනස්කම් කියලා කියන්නේ.
සාදු! සාදු!! සාදු!!!
ධාතු නානත්ත සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_2-1-1/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M