සැවැත් නුවරදී ………….
පින්වත් මහණෙනි, බන්ධනයන් ඇතිවෙන දේවල් ගැන ආශ්වාදය අනුව බල බලා සිටින කෙනෙකුට තණ්හාවයි වැඩෙන්නේ. තණ්හාව හේතු කොට ගෙන බැඳීයාම ඇතිවෙනවා. ….(පෙ)…. ඔය ආකාරයට මේ මුළු මහත් දුක් රැසම හටගන්නවා.
පින්වත් මහණෙනි, ඒක මේ වගේ දෙයක්. තෙලුත් නිසා වැටියත් නිසා තෙල් පහනක් දැල්වෙනවා කියල හිතමු. එතකොට එක මනුස්සයෙක් කලින් කලට ඇවිදින් ඒ පහනට තෙල් වක්කරනවා නම්, වැටි දමනවා නම්, පින්වත් මහණෙනි, ඒ විදිහට ඒ තෙල් පහන ඒ ආහාරයෙන්ම ඒ උපාදානයෙන්ම බොහෝ කලක් දැල්වි දැල්වී තියෙනවා.
පින්වත් මහණෙනි, ඔය විදිහමයි. බන්ධනයන් ඇතිවෙන දේවල් ගැන ආශ්වාදය අනුව බල බලා සිටින කෙනෙකුට තණ්හාවයි වැඩෙන්නේ. තණ්හාව හේතු කොට ගෙන බැඳීයාම ඇතිවෙනවා. ….(පෙ)…. ඔය ආකාරයට මේ මුළු මහත් දුක් රැසම හටගන්නවා.
පින්වත් මහණෙනි, බන්ධනයන් ඇතිවෙන දේවල් ගැන ආදීනව අනුව බල බලා සිටින කෙනෙකුට තණ්හාවයි නිරුද්ධ වෙන්නේ. තණ්හාව නිරුද්ධ වීමෙන් බැඳීයාම නිරුද්ධ වෙනවා. ….(පෙ)…. ඔය ආකාරයට මේ මුළු මහත් දුක් රැසම නිරුද්ධ වෙනවා.
පින්වත් මහණෙනි, ඒක මේ වගේ දෙයක්. තෙලුත් නිසා වැටියත් නිසා තෙල් පහනක් දැල්වෙනවා කියල හිතමු. එතකොට එක මනුස්සයෙක් කලින් කලට අවිදින් ඒ පහනට තෙල් වක්කරන්නේ නැත්නම්, වැටි දමන්නේ නැත්නම්, පින්වත් මහණෙනි, ඒ විදිහට ඒ තෙල් පහන කලින් දාපු තෙල් අවසන් වීමෙන් අලුතින් තෙල් නැති වීමෙන් ආහාර රහිතව නිවිලා යනවා.
පින්වත් මහණෙනි, ඔන්න ඔය විදිහමයි. බන්ධනයන් ඇතිවෙන දේවල් ගැන ආදීනව අනුව බල බලා සිටින කෙනෙකුට තණ්හාවයි නිරුද්ධ වෙන්නේ. තණ්හාව නිරුද්ධ වීමෙන් බැඳීයාම නිරුද්ධ වෙනවා …..(පෙ)…. ඔය ආකාරයට මේ මුළු මහත් දුක් රැසම නිරුද්ධ වෙනවා.
සාදු! සාදු!! සාදු!!!
සංයෝජන සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_1-6-3/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M