සැවැත් නුවර ජේතවනාරාමයේදී …………………….
එදා චන්දිමස දිව්‍යපුත්‍රයා රැය පහන් වන වෙලාවේ සෝභා සම්පන්න සිරුරකින් යුතුව මුලු මහත් ජේතවනයම ඒකාලෝක කරගෙන භාග්‍යවතුන් වහන්සේ ළඟට ආවා. ඇවිදින් භාග්‍යවතුන් වහන්සේට වන්දනා කළා. පැත්තකින් හිටගත්තා. පැත්තකින් හිටිය චන්දිම දිව්‍යපුත්‍රයා භාග්‍යවතුන් වහන්සේ සමීපයේ මේ ගාථාව පැවසුවා.
“ධ්‍යාන ලබා සිටින, එකඟ සිත් තියෙන, තැනට සුදුසු ප්‍රඥා තියෙන, සිහි ඇති උන්වහන්සේලා යහපතට පැමිණෙන්නේ, මදුරුවන් නැති තැනක ඉන්න තරුණ මුවන් වගේ.”
(භාග්‍යවතුන් වහන්සේ) :
“ධ්‍යානයන් ලබාගෙන ඉන්න, අප්‍රමාදීව කෙලෙස් දුරු කරන උන්වහන්සේලා සසරින් එතෙරට යන්නේ දැලක් සිඳගෙන යන මාළු රැලක් වගේ.”
සාදු! සාදු!! සාදු!!!
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn1_2-2-1/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M