සැවැත් නුවර ජේතවනාරාමයේදීය …………………….
එකත්පසක සිටි ඒ දෙවියා, භාග්‍යවතුන් වහන්සේ සමීපයේ මේ ගාථාව පැවසුවා.
“මහා ධනය තියෙන, මහා සැප සම්පත් තියෙන, රට රාජ්‍යවල් තියෙන. රජවරු පවා එකිනෙකාගේ දේට ආශා කර කර ඉන්නේ. ඔවුන් කාමයන් ගැන සෑහීමකට පත් වෙලා නෑ. සංසාරෙ සැඩපහරට අහු වෙලා සෑහීමකට පත් නොවී, කාමයම සොයා සොයා යන ජනතාව අතර, තණ්හාව දුරු කළේ කවුද? මේ ලෝකයේ කාමය හොයන උත්සාහය නැතුව ඉන්නෙ කවුද?”
(භාග්‍යවතුන් වහන්සේ) :
“ගිහි ජීවිතේ අත්හැර දාලා, අඹු දරුවන්, හරක බාන ආදී ප්‍රිය දේවල් අත්හැර දාලා, මේ ශාසනේ මහණ වෙන අය ඉන්නවා. ඔවුන් අවිද්‍යාව නැතිකරලා, රාගයත්, ද්වේෂයත් නැතිකරලා, ආශ්‍රව රහිත වෙනවා. ඒ තමයි රහතන් වහන්සේලා. ලෝකයේ කාමය සෙවීමේ කිසිම උත්සාහයක් ඔවුන් තුළ නෑ.” (මෙහි තේරුම රහතන් වහන්සේලා පමණක් මේ ලෝකයෙහි සම්පූර්ණයෙන්ම තෘප්තිමත්ව වැඩවෙසෙන බවයි.)
සාදු! සාදු!! සාදු!!!
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn1_1-3-8/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M