☰

ඛුද්දක නිකාය

ථේරී ගාථා

6.8. විජයා ථේරීගාථා

6.8. විජයා තෙරණියගේ ගාථා

169. චතුක්ඛත්තුං පඤ්චක්ඛත්තුං විහාරා උපනික්ඛමිං,
අලද්ධා චේතසෝ සන්තිං චිත්තේ අවසවත්තිනී.

169. මට චිත්ත සමාධියක් තිබුණෙ ම නෑ. සිතේ දමනයක් තිබුණෙ ම නෑ. මං හතර පස් වතාවක් ආරාමයෙන් නික්මිලා ගියා.

170. භික්ඛුනිං උපසංකම්ම සක්කච්චං පරිපුච්ඡහං,
සා මේ ධම්මමදේසේසි ධාතු ආයතනානි ච.

170. අන්තිමේ දී මං ඛේමා භික්ෂුණිය ළඟට ගියා. මං හොඳට ධර්ම කරුණු විමසා දැනගත්තා. ඇය මට ධාතු-ආයතන ගැන ධර්ම දේශනා කළා.

171. චත්තාරි අරියසච්චානී ඉන්ද්‍රියානි බලානි ච,
බොජ්ඣංගට්ඨංගිකං මග්ගං උත්තමත්ථස්ස පත්තියා.

171. උතුම් නිවන කරා යන, ඒ චතුරාර්ය සත්‍ය ධර්මය, පංච ඉන්ද්‍රිය, පංච බල, සප්ත බොජ්ඣංග, ආර්ය අෂ්ටාංගික මාර්ගය ත් දේශනා කළා.

172. තස්සාහං වචනං සුත්වා කරොන්තී අනුසාසනිං,
රත්තියා පුරිමේ යාමේ පුබ්බජාතිමනුස්සරිං.

172. එතුමියගෙන් බුද්ධ වචනය අහගත්ත මං ඒ අනුශාසනාවේ විදිහටම කටයුතු කළා. රෑ පළමු යාමයේ දී පුබ්බේ නිවාස ඤාණය ලබාගත්තා.

173. රත්තියා මජ්ඣිමේ යාමේ දිබ්බචක්ඛුං විසෝධයිං,
රත්තියා පච්ඡිමේ යාමේ තමොක්ඛන්ධං පදාලයිං.

173. රෑ මධ්‍යම යාමයේ දී දිවැස් නුවණ පිරිසිදු කරගත්ත. රැය පහන් වෙන කොට අවිද්‍යාව නම් වූ අන්ධකාර කෙලෙස් කඳ බිඳල දැම්මා.

174. පීතිසුඛේන ච කායං ඵරිත්වා විහරිං තදා,
සත්තමියා පාදේ පසාරේසිං තමොක්ඛන්ධං පදාලියාති.

174. මං එතකොට ප්‍රීතියත් සැපයත් කය පුරා ම පතුරුවා ගෙනයි හිටියෙ. අවිද්‍යා අන්ධකාරය බිඳල දාපු මං හත්වෙනි දවසේ තමයි කකුල් දිග හැරියේ.

ඉත්ථං සුදං විජයා ථේරී ගාථායෝ අභාසීති.

මේ වනාහී විජයා නම් රහත් තෙරණිය වදාළ ගථාවන් ය.

ඡක්කනිපාතෝ නිට්ඨිතෝ.

හයවෙනි නිපාතය නිමා විය.

(ගාථා හය බැගින් වදාළ කොටස නිමා විය)

ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn6_6-8/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M