සැවැත් නුවර දී ය …..
මහණෙනි, කරුණු සයක් ප්‍රහාණය නොකොට ප්‍රථම ධ්‍යානය උපදවා ගෙන වාසය කරන්නට හැකියාව නැත්තේ ය. ඒ කවර කරුණු සයක් ද යත්;
කාම විතර්කය, ව්‍යාපාද විතර්කය, විහිංසා විතර්කය, කාම සංඥාව ය, ව්‍යාපාද සංඥාව ය, විහිංසා සංඥාව ය.
මහණෙනි, මේ කරුණු සය ප්‍රහාණය නොකොට ප්‍රථම ධ්‍යානය උපදවා ගෙන වාසය කරන්නට හැකියාව නැත්තේ ය.
මහණෙනි, කරුණු සයක් ප්‍රහාණය කොට ප්‍රථම ධ්‍යානය උපදවා ගෙන වාසය කරන්නට හැකියාව ඇත්තේ ය. ඒ කවර කරුණු සයක් ද යත්;
කාම විතර්කය, ව්‍යාපාද විතර්කය, විහිංසා විතර්කය, කාම සංඥාව ය, ව්‍යාපාද සංඥාව ය, විහිංසා සංඥාව ය.
මහණෙනි, මේ කරුණු සය ප්‍රහාණය කොට ප්‍රථම ධ්‍යානය උපදවා ගෙන වාසය කරන්නට හැකියාව ඇත්තේ ය.
සාදු! සාදු!! සාදු!!!
දුතිය පඨමජ්ඣාන සූත්‍රය නිමා විය.
දෙවෙනි අනාගාමී වර්ගය අවසන් විය.
එහි පිළිවෙල උද්දානයයි :
අනාගාමීඵල සූත්‍රය, අරහත්තඵල සූත්‍රය, මිත්ත සූත්‍රය, සංගණිකාරාම සූත්‍රය, දේවතා සූතය, සමාධි සූත්‍රය, සක්ඛිභබ්බ සූත්‍රය, බල සූත්‍රය, පඨමඣාන සූත්‍ර දෙක වශයෙන් මෙහි සූත්‍ර දශයකි.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an4_6-2-2-10/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M