පින්වත් මහණෙනි, කර්මයන්ගේ හටගැනීම පිණිස හේතුවෙන කාරණා තුනක් තියෙනවා. ඒ තුන මොනවාද? පින්වත් මහණෙනි, ඡන්දරාගය ඇතිවීමට හේතු වූ අතීතයට ගිය කරුණු මුල්කොට ගෙන කැමැත්ත ඇතිවෙනවා. පින්වත් මහණෙනි, ඡන්දරාගය ඇතිවීමට හේතු වූ අනාගතයේ හටනොගත් කරුණු මුල්කොට ගෙන කැමැත්ත ඇතිවෙනවා. පින්වත් මහණෙනි, ඡන්දරාගය ඇතිවීමට හේතු වූ වර්තමානයේ හටගත් කරුණු මුල්කොට ගෙන කැමැත්ත ඇතිවෙනවා.
පින්වත් මහණෙනි, ඡන්දරාගය ඇතිවීමට හේතු වූ අතීතයට ගිය කරුණු මුල්කොට ගෙන කැමැත්ත ඇතිවෙන්නේ කොහොමද? පින්වත් මහණෙනි, ඡන්දරාගය ඇතිවීමට හේතු වූ අතීතයට ගිය කරුණු මුල්කොට ගෙන සිතෙන් කල්පනා කරයි. නැවත නැවතත් මෙනෙහි කරයි. ඡන්දරාගය ඇතිවීමට හේතු වූ අතීතයට ගිය කරුණු මුල්කොට ගෙන සිතෙන් කල්පනා කරකර නැවත නැවතත් මෙනෙහි කරකර සිටින්නා වූ ඔහු තුළ කැමැත්ත ඇතිවෙනවා. කැමැත්ත ඇති වූ විට ඒ කරුණු සමඟ එක්වෙලා ඉන්නවා. පින්වත් මහණෙනි, සිතෙහි ඇතිවන යම් සරාගී බවක් ඇද්ද, මා මේ සරාගී බව සංයෝජනයක් කියලයි කියන්නේ. පින්වත් මහණෙනි, ඡන්දරාගය ඇති වීමට හේතු වූ අතීතයට ගිය කරුණු මුල්කොට ගෙන කැමැත්ත ඇතිවෙන්නේ ඔය විදිහටයි.
පින්වත් මහණෙනි, ඡන්දරාගය ඇතිවීමට හේතු වූ අනාගතයේ හටනොගත් කරුණු මුල්කොට ගෙන කැමැත්ත ඇතිවෙන්නේ කොහොමද? පින්වත් මහණෙනි, ඡන්දරාගය ඇතිවීමට හේතු වූ අනාගතයේ හටනොගත් කරුණු මුල්කොට ගෙන සිතෙන් කල්පනා කරයි. නැවත නැවතත් මෙනෙහි කරයි. ඡන්දරාගය ඇතිවීමට හේතු වූ අනාගතයේ හටනොගත් කරුණු මුල්කොට ගෙන සිතෙන් කල්පනා කරකර නැවත නැවතත් මෙනෙහි කරකර සිටින්නා වූ ඔහු තුළ කැමැත්ත ඇතිවෙනවා. කැමැත්ත ඇති වූ විට ඒ කරුණු සමඟ එක්වෙලා ඉන්නවා. පින්වත් මහණෙනි, සිතෙහි ඇතිවන යම් සරාගී බවක් ඇද්ද, මා මේ සරාගී බව සංයෝජනයක් කියලයි කියන්නේ. පින්වත් මහණෙනි, ඡන්දරාගය ඇතිවීමට හේතු වූ අනාගතයේ හටනොගත් කරුණු මුල්කොට ගෙන කැමැත්ත ඇතිවෙන්නේ ඔය විදිහටයි.
පින්වත් මහණෙනි, ඡන්දරාගය ඇතිවීමට හේතු වූ වර්තමානයෙහි හටගෙන තිබෙන කරුණු මුල්කොට ගෙන කැමැත්ත ඇතිවෙන්නේ කොහොමද? පින්වත් මහණෙනි, ඡන්දරාගය ඇතිවීමට හේතු වූ වර්තමානයෙහි හටගෙන තිබෙන කරුණු මුල්කොට ගෙන සිතෙන් කල්පනා කරයි. නැවත නැවතත් මෙනෙහි කරයි. ඡන්දරාගය ඇතිවීමට හේතු වූ වර්තමානයෙහි හටගෙන තිබෙන කරුණු මුල්කොට ගෙන සිතෙන් කල්පනා කරකර නැවත නැවතත් මෙනෙහි කරකර සිටින්නා වූ ඔහු තුළ කැමැත්ත ඇතිවෙනවා. කැමැත්ත ඇති වූ විට ඒ කරුණු සමඟ එක්වෙලා ඉන්නවා. පින්වත් මහණෙනි, සිතෙහි ඇතිවන යම් සරාගී බවක් ඇද්ද, මා මේ සරාගී බව සංයෝජනයක් කියලයි කියන්නේ. පින්වත් මහණෙනි, ඡන්දරාගය ඇතිවීමට හේතු වූ වර්තමානයෙහි හටගෙන තිබෙන කරුණු මුල්කොට ගෙන කැමැත්ත ඇතිවෙන්නේ ඔය විදිහටයි. පින්වත් මහණෙනි, මේ තමයි කර්මයන්ගේ හටගැනීමට හේතුවන කාරණා තුන.
පින්වත් මහණෙනි, කර්මයන්ගේ හටගැනීම පිණිස හේතුවෙන කාරණා තුනක් තියෙනවා. ඒ තුන මොනවාද? පින්වත් මහණෙනි, ඡන්දරාගය ඇතිවීමට හේතු වූ අතීතයට ගිය කරුණු මුල්කොට ගෙන කැමැත්ත ඇතිවෙන්නේ නෑ. පින්වත් මහණෙනි, ඡන්දරාගය ඇතිවීමට හේතු වූ අනාගතයේ හටනොගත් කරුණු මුල්කොට ගෙන කැමැත්ත ඇතිවෙන්නේ නෑ. පින්වත් මහණෙනි, ඡන්දරාගය ඇතිවීමට හේතු වූ වර්තමානයේ හටගත් කරුණු මුල්කොට ගෙන කැමැත්ත ඇතිවෙන්නේ.
පින්වත් මහණෙනි, ඡන්දරාගය ඇතිවීමට හේතු වූ අතීතයට ගිය කරුණු මුල්කොට ගෙන කැමැත්ත ඇති නොවෙන්නේ කොහොමද? පින්වත් මහණෙනි, ඡන්දරාගය ඇතිවීමට හේතු වූ අතීතයට ගිය කරුණු හේතු කොට මතුවට ඇතිවන්නා වූ විපාක ගැන අවබෝධයක් තියෙනවා. මතුවට ඇතිවන විපාක ගැන තේරුම් ගෙන ඒ කරුණු සිතෙහි ඇතිවීම වළක්වනවා. ඒ කරුණු වළක්වලා සිතෙන් බැහැර කරලා ඒ ගැන ප්‍රඥාවෙන් විනිවිද දකිනවා. පින්වත් මහණෙනි, මේ ආකාරයට තමයි අතීතය ගැන ඡන්දරාගය ඇතිවීමට හේතුවන දේවල් අරභයා කැමැත්තක් නූපදින්නේ.
පින්වත් මහණෙනි, ඡන්දරාගය ඇතිවීමට හේතු වූ අනාගතයේ හටනොගත් කරුණු මුල්කොට ගෙන කැමැත්ත ඇති නොවෙන්නේ කොහොමද? පින්වත් මහණෙනි, ඡන්දරාගය ඇතිවීමට හේතු වූ අනාගතයේ හටනොගත් කරුණු හේතු කොට මතුවට ඇතිවන්නා වූ විපාක ගැන අවබෝධයක් තියෙනවා. මතුවට ඇතිවන විපාක ගැන තේරුම් ගෙන ඒ කරුණු සිතෙහි ඇතිවීම වළක්වනවා. ඒ කරුණු වළක්වලා සිතෙන් බැහැර කරලා ඒ ගැන ප්‍රඥාවෙන් විනිවිද දකිනවා. පින්වත් මහණෙනි, මේ ආකාරයට තමයි අනාගතයේ හටනොගත් ඡන්දරාගය ඇතිවීමට හේතුවන දේවල් අරභයා කැමැත්තක් නූපදින්නේ.
පින්වත් මහණෙනි, ඡන්දරාගය ඇතිවීමට හේතු වූ වර්තමානයේ හටගත් කරුණු මුල්කොට ගෙන කැමැත්ත ඇති නොවෙන්නේ කොහොමද? පින්වත් මහණෙනි, ඡන්දරාගය ඇතිවීමට හේතු වූ වර්තමානයේ හටගත් කරුණු හේතු කොට මතුවට ඇතිවන්නා වූ විපාක ගැන අවබෝධයක් තියෙනවා. මතුවට ඇතිවන විපාක ගැන තේරුම් ගෙන ඒ කරුණු සිතෙහි ඇතිවීම වළක්වනවා. ඒ කරුණු වළක්වලා සිතෙන් බැහැර කරලා ඒ ගැන ප්‍රඥාවෙන් විනිවිද දකිනවා. පින්වත් මහණෙනි, මේ ආකාරයට තමයි වර්තමානයේ හටගත් ඡන්දරාගය ඇතිවීමට හේතුවන දේවල් අරභයා කැමැත්තක් නූපදින්නේ. පින්වත් මහණෙනි, මේ තමයි කර්මයන්ගේ හටගැනීමට හේතුවන කාරණා තුන.
පළමුවෙනි සම්බෝධි වර්ගයයි.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an1_3-3-1-10/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M