194. සැවැත් නුවර දී …………………
එදා ආයුෂ්මත් රාධයන් භාග්‍යවතුන් වහන්සේ වැඩසිටි තැනට පැමිණුනා. පැමිණිලා භාග්‍යවතුන් වහන්සේට ආදරයෙන් වන්දනා කරලා එකත්පස්ව වාඩිවුණා. එකත්පස්ව වාඩිවුණ ආයුෂ්මත් රාධයන් හට භාග්‍යවතුන් වහන්සේ මෙකරුණ වදාළා. පින්වත් රාධ, මාරයා යනු යමෙක්ද, ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි. පින්වත් රාධ, මාරයා යනු කවුද?
පින්වත් රාධ, මාරයා යනු රූපයයි. ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි. විඳීම …. (පෙ) …. සඤ්ඤාව …. (පෙ) …. සංස්කාර …. (පෙ) …. මාරයා යනු විඤ්ඤාණයයි. ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි. පින්වත් රාධ, මාරයා යනු යමෙක්ද, ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි.
සාදු! සාදු!! සාදු!!!
මාර සූත්‍රය නිමා විය.
195. සැවැත් නුවර දී …………………
එකත්පස්ව වාඩිවුණ ආයුෂ්මත් රාධයන් හට භාග්‍යවතුන් වහන්සේ මෙකරුණ වදාළා. පින්වත් රාධ, මාරයාට අයත් දෙය යනු යමක්ද, ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි. පින්වත් රාධ, මාරයාට අයත් දෙය යනු කුමක්ද?
පින්වත් රාධ, මාරයාට අයත් දෙය යනු රූපයයි. ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි. විඳීම …. (පෙ) …. සඤ්ඤාව …. (පෙ) …. සංස්කාර …. (පෙ) …. මාරයාට අයත් දෙය යනු විඤ්ඤාණයයි. ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි. පින්වත් රාධ, මාරයාට අයත් දෙය යනු යමක්ද, ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි.
සාදු! සාදු!! සාදු!!!
මාරධම්ම සූත්‍රය නිමා විය.
196. සැවැත් නුවර දී …………………
එකත්පස්ව වාඩිවුණ ආයුෂ්මත් රාධයන් හට භාග්‍යවතුන් වහන්සේ මෙකරුණ වදාළා. පින්වත් රාධ, අනිත්‍ය වූ යමක් ඇද්ද, ඒ කෙරෙහි …. (පෙ) …. ඡන්දරාගය දුරු කළ යුතුයි.
සාදු! සාදු!! සාදු!!!
අනිච්ච සූත්‍රය නිමා විය.
197. සැවැත් නුවර දී …………………
එකත්පස්ව වාඩිවුණ ආයුෂ්මත් රාධයන් හට භාග්‍යවතුන් වහන්සේ මෙකරුණ වදාළා. පින්වත් රාධ, අනිත්‍ය ස්වභාවයට අයත් වූ යමක් ඇද්ද, ඒ කෙරෙහි …. (පෙ) …. ඡන්දරාගය දුරු කළ යුතුයි.
සාදු! සාදු!! සාදු!!!
අනිච්චධම්ම සූත්‍රය නිමා විය.
198. සැවැත් නුවර දී …………………
එකත්පස්ව වාඩිවුණ ආයුෂ්මත් රාධයන් හට භාග්‍යවතුන් වහන්සේ මෙකරුණ වදාළා. පින්වත් රාධ, දුක් වූ යමක් ඇද්ද, ඒ කෙරෙහි …. (පෙ) …. ඡන්දරාගය දුරු කළ යුතුයි.
සාදු! සාදු!! සාදු!!!
දුක්ඛ සූත්‍රය නිමා විය.
199. සැවැත් නුවර දී …………………
එකත්පස්ව වාඩිවුණ ආයුෂ්මත් රාධයන් හට භාග්‍යවතුන් වහන්සේ මෙකරුණ වදාළා. පින්වත් රාධ, දුක් ස්වභාවයට අයත් වූ යමක් ඇද්ද, ඒ කෙරෙහි …. (පෙ) …. ඡන්දරාගය දුරු කළ යුතුයි.
සාදු! සාදු!! සාදු!!!
දුක්ඛධම්ම සූත්‍රය නිමා විය.
200. සැවැත් නුවර දී …………………
එකත්පස්ව වාඩිවුණ ආයුෂ්මත් රාධයන් හට භාග්‍යවතුන් වහන්සේ මෙකරුණ වදාළා. පින්වත් රාධ, අනාත්ම වූ යමක් ඇද්ද, ඒ කෙරෙහි …. (පෙ) …. ඡන්දරාගය දුරු කළ යුතුයි.
සාදු! සාදු!! සාදු!!!
අනත්ත සූත්‍රය නිමා විය.
201. සැවැත් නුවර දී …………………
එකත්පස්ව වාඩිවුණ ආයුෂ්මත් රාධයන් හට භාග්‍යවතුන් වහන්සේ මෙකරුණ වදාළා. පින්වත් රාධ, අනාත්ම ස්වභාවයට අයත් වූ යමක් ඇද්ද, ඒ කෙරෙහි …. (පෙ) …. ඡන්දරාගය දුරු කළ යුතුයි.
සාදු! සාදු!! සාදු!!!
අනත්තධම්ම සූත්‍රය නිමා විය.
202. සැවැත් නුවර දී …………………
එකත්පස්ව වාඩිවුණ ආයුෂ්මත් රාධයන් හට භාග්‍යවතුන් වහන්සේ මෙකරුණ වදාළා. පින්වත් රාධ, ගෙවී යන ස්වභාවයට අයත් වූ යමක් ඇද්ද, ඒ කෙරෙහි …. (පෙ) …. ඡන්දරාගය දුරු කළ යුතුයි.
සාදු! සාදු!! සාදු!!!
ඛයධම්ම සූත්‍රය නිමා විය.
203. සැවැත් නුවර දී …………………
එකත්පස්ව වාඩිවුණ ආයුෂ්මත් රාධයන් හට භාග්‍යවතුන් වහන්සේ මෙකරුණ වදාළා. පින්වත් රාධ, නැසී යන ස්වභාවයට අයත් වූ යමක් ඇද්ද, ඒ කෙරෙහි …. (පෙ) …. ඡන්දරාගය දුරු කළ යුතුයි.
සාදු! සාදු!! සාදු!!!
වයධම්ම සූත්‍රය නිමා විය.
204. සැවැත් නුවර දී …………………
එකත්පස්ව වාඩිවුණ ආයුෂ්මත් රාධයන් හට භාග්‍යවතුන් වහන්සේ මෙකරුණ වදාළා. පින්වත් රාධ, හටගන්නා ස්වභාවයට අයත් වූ යමක් ඇද්ද, ඒ කෙරෙහි …. (පෙ) …. ඡන්දරාගය දුරු කළ යුතුයි.
සාදු! සාදු!! සාදු!!!
සමුදයධම්ම සූත්‍රය නිමා විය.
205. සැවැත් නුවර දී …………………
පින්වත් රාධ, නිරුද්ධ වන ස්වභාවයට අයත් දෙය යනු යමක්ද, ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි. පින්වත් රාධ, නිරුද්ධ වන ස්වභාවයට අයත් දෙය යනු කුමක්ද?
පින්වත් රාධ, නිරුද්ධ වන ස්වභාවයට අයත් දෙය යනු රූපයයි. ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි. විඳීම …. (පෙ) …. සඤ්ඤාව …. (පෙ) …. සංස්කාර …. (පෙ) …. නිරුද්ධ වන ස්වභාවයට අයත් දෙය යනු විඤ්ඤාණයයි. ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි. පින්වත් රාධ, නිරුද්ධ වන ස්වභාවයට අයත් දෙය යනු යමක්ද, ඒ කෙරෙහි ඔබ තුළ පවතින කැමැත්ත දුරු කළ යුතුයි. රාගය දුරු කළ යුතුයි. ඡන්දරාගය දුරු කළ යුතුයි.
සාදු! සාදු!! සාදු!!!
නිරෝධධම්ම සූත්‍රය නිමා විය.
හතරවෙනි උපනිසින්න වර්ගය අවසන් විය.
එහි පිළිවෙල උද්දානයයි :
මාර සූත්‍රය, මාරධම්ම සූත්‍රය, අනිච්ච සුත්‍ර දෙක, දුක්ඛ සූත්‍ර දෙක, එමෙන් ම අනත්ත සූත්‍ර දෙක, ඛයධම්ම සූත්‍රය, වයධම්ම සූත්‍රය, සමුදයධම්ම සුත්‍රය, නිරෝධධම්ම සූත්‍රය, යන දෙසුම් දොළොසකින් මේ වර්ගය සමන්විත වේ.
(ඔය අයුරින් මාර සූත්‍ර විස්තර කළ යුතුය. එසේම නිරෝධධම්ම සූත්‍රයෙන් සූත්‍ර තිස් හයක් විස්තර කළ යුතුය. එසේම රාධ සංයුත්තය පිඬු කළ විට සූත්‍ර අනූහතරක් ලැබෙයි.)
රාධ සංයුත්තය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn3_2-4-1/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M