370. ඇත්තෙන්ම සදහම් පවසන ආචාර්යන් වහන්සේලාගේ වචන දැනගෙන තියෙන්ට ඕනෙ. අන්න ඒ නුවණැත්තා ගුරුවරුන්ගේ වචනවලට කීකරුයි. ගුරුවරුන් ගැන ප්‍රේමය උපදවා ගන්නවා. ඒ වගේම භක්තිමත්. බුද්ධිමත්. එයා සද්ධර්මය අවබෝධ කළ විශේෂ කෙනෙක්.
371. ඕනෑම කරදරයක් අභියස ඔහුට කම්පා නොවී ඉවසා සිටින්ට පුළුවන්. ඔහු ගොඩක් බලවත්. බුද්ධිමත්. සද්ධර්මය අවබෝධ කළ විශේෂ කෙනෙක්.
372. කෙලෙස් රහිතව ඉන්න ඔහු මහා සාගරයක් වගෙයි. ගැඹුරු ප්‍රඥාවක් තියෙන්නෙ. ඉතා සියුම් අර්ථ දකින්ට පුළුවන්. කෙලෙසුන්ට පුළුවන් කමක් නෑ ඔහුගේ පිරිසිදුකම පැහැර ගන්ට. ඔහු බුද්ධිමත්. සද්ධර්මය අවබෝධ කළ විශේෂ කෙනෙක්.
373. ඔහු ඉන්නේ සද්ධර්මය බොහෝ සෙයින් අසා දැනගෙන නම්, සද්ධර්මය දරාගෙන නම්, සද්ධර්මය අනුව නම් ජීවිතය ගෙවන්නේ, ඔහු ආචාර්යන් වහන්සේලාට සමාන කෙනෙක්. බුද්ධිමතෙක්. සද්ධර්මය අවබෝධ කළ විශේෂ කෙනෙක්.
374. ඔහු දන්නවා නම් සද්ධර්මයේ අර්ථ, එසේ දැනගත් අර්ථයන්ට අනුව නම් ඔහු කටයුතු කරන්නේ, ඔහු අර්ථයට පැමිණි කෙනෙක්. බුද්ධිමතෙක්. සද්ධර්මය අවබෝධ කළ විශේෂ කෙනෙක්.
මෙය වනාහී ආයුෂ්මත් කෝසිය නම් රහත් මුනිඳුන් වදාළ ගාථාවන්ය.
ගාථා පහ බැගින් වදාළ කොටස නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn5_5-1-12/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M